Turizmi është një ndër faktorët kryesorë që përcakton masën e zhvillimit ekonomik të çdo vendi. Ai merr rëndësi të veçantë, sidomos kur bëhet fjalë për një qytet me mundësi të pakta punësimi. Grupi nga Maliqi duke u nisur nga qyteti i tyre evidentuan që akoma vuan nga mungesa e një objekti nxitës për zhvillimin turistik.

Për të zgjidhur problemin e sipërpërmendur kanë menduar ndërtimin e një “monumenti kulture”, të cilin e kanë cilësuar me emrin simbolik MINIFARI: ashtu sikurse fari orienton lëvizjen e anijeve në det, ky objekt do të orientojë jetën e qytetit tonë, përmes trokitjeve të orës, matjes së temperaturës, si edhe mesazheve motivuese. Në një këndvështrim më afatgjatë, ky grup beson se ky objekt do të shërbejë si promovues dhe stimulues i zhvillimit të turizmit në zonën e Maliqit.