Upshift - Social Impact Workshop

UPSHIFT është një program që ndihmon adoleshentët dhe të rinjtë të bëhen inovator dhe sipërmarrës social duke iu ofruar mësim nga eksperienca për të kuptuar sfidat e komunitetit. Të rinjtë do të mësojnë të dizenjojnë dhe ndërtojnë zgjidhje në formën e produkteve apo shërbimeve dhe do të angazhohen në udhëheqjen e sipërmarrjeve që mundësojnë këto projekte.

Follow Us

Dhjetëra të rinj të Kukësit i përgjigjen thirrjes së edicionit të 8-të të UPSHIFT

Shqipëria është një prej vendeve me popullsinë më të re në rajon dhe Evropë ku moshat e reja përbëjnë 23% të popullsisë. Në njohje të rolit jetik si agjentë të ndryshimit në shoqëri, UNICEF nisi zbatimin e një programi, tashmë të implementuar në 33 vende të botës, edhe në Shqipëri në bashkëpunim me ICTSlab.

Në kuadër të fushatës “Transformimi i përgjigjes kombëtare ndaj trafikimit të qenieve njerëzore në dhe nga Shqipëria” dhe me mbështetjen financiare të Mbretërisë së Bashkuar, u zbatua për herë të parë në qytetin verior të Shqipërisë si i pari program për 2022, edicioni Upshift Kukës në datat 28-29-30 Janar 2022.

Programi UPSHIFT synon që të rrisë kapacitetet dhe të krijojë aspirata për të rinjtë në Shqipëri në mënyre që ata të kontribuojnë dhe të përfitojnë në komunitetet e tyre dhe në themel të kësaj nisme është ndërtimi i aftësive lehtësisht të transferueshme, angazhimi dhe fuqizimi rinor me në mendje sipërmarrjen sociale.

Është një nismë përmes të cilës të rinjtë në Shqipëri fitojnë akses në mundësi ekonomike dhe sociale, i bën ata pjesë e proceseve zhvillimore dhe u jep atyre një rol aktiv në shoqëri.

Mbështetja e UPSHIFT është një garanci për të rinjtë e UPSHIFT të cilët synojnë tu japin zgjidhje problemeve me të cilat përballen në komunitetet lokale përmes sipërmarrjes sociale, teknologjisë, inovacionit, gjithë përfshirjes e vullnetarizmit komunitar.

Dhjetëra të rinj të moshës 15-24 vjeç në grupe 3-5 veta nga qytetet e Kukësit, Bajram Currit dhe zona si Shishtavec, Topojan dhe Bushtricë ju përgjigjen thirrjes së UPSHIFT.

Krahas mbështetjes gjatë fazës 3-ditore të trajnimeve të rinjtë njihen me kurrikulën e UPSHIFT, metodën Design Thinking duke fituar të ashtuquajturat “Soft Skills” dhe zhvilluar autonomi, konkurrueshmëri.

10 grupe dhe 50 të rinj u bënë pjesë e UPSHIFT dhe nën kujdesin e mentorëve si: Anxhela Gjana, Andrea Shtjefni, Besart Mataj, Emiriona Velia, Ervisa Todaj, Eltion Kuptrija, Gladiola Ismailaj, Krisi Kllapi, Lorela Karabushi dhe Sonila Zeneli.

Dita e parë e workshopit 3-ditor filloi me të rinjtë të cilët u njohën me pemën e problemit dhe 5 pse-të. Më pas ata rishikuan target grupet dhe stakeholders. Pjesa e dytë e ditës së parë vazhdoi me dizajnimin e sfidës, sesione brainstorming dhe konceptim e modelim.

Në ditën e dytë të rinjtë filluan krijimin e prototipave të para dhe morën feedback nga Ministrja e Shtetit për Rinë dhe Fëmijët znj. Bora Muzhaqi e ardhur enkas për këtë eveniment. Në pjesën e dytë të ditës të rinjtë u përqendruan tek qëndrueshmëria, ndërtimi i buxheteve dhe përgatitja e prezantimit të idesë ditën e tretë.

Në ditën e tretë të rinjtë përjetuan emocionet e finales së UPSHIFT. Pas një prezantimi prej 5 minutash ndjekur nga 3 minuta pyetje përgjigje përballë jurisë së përbërë nga znj. Esmeralda Shala, drejtore e ICTSlab; Sonila Pema Menaxhere Projekti Emigrim për Zhvillim/Të Drejtat e Njeriut pranë UNICEF; Jola Foto Menaxhere Projekti Fondi i Skllavërisë Moderne pranë Ambasadës Britanike në Shqipëri. Në UPSHIFT nderoi me pjesëmarrjen e tij edhe bashkëthemeluesi i ICTSmedia dhe ICTSlab z. Kushtrim Shala me një fjalë inkurajuese për të gjithë të rinjtë.

Juria zgjodhi fitues projektet: Alf Changers, Master Minds, Klubi Sportiv, Nature Voice dhe Terreni Sportiv.

Projektet fituese do të marrin mbështetje financiare deri në 1,000 euro për realizimin dhe zbatimin e tyre i cili do të ndiqet nga qendra laboratorike e aftësive të shekullit 21 ICTSlab.

Aktiviteti u mundësua nga UNICEF në bashkëpunim me ICTSlab dhe mbështetjen financiare të Mbretërisë së Bashkuar.

Grupet Fituese të UPSHIFT Kukës

Në shkollën “Ahmet Voka” mungon një terren sportiv. Grupi i krijuar nga Rejardi, Eraldi dhe Englanjeta mendojnë se zgjidhja është krijimi i një terren sportiv. Ky ambient do tu shërbeje nxënësve për të zhvilluar aktivitete të ndryshme.

Grupi ”ALF CHANGERS” nga Kukësi i krijuar nga Flavina, Ledina, Fabioni, Luiza, Artemisa dhe Lidiani dëshirojnë të ndihmojnë të gjithë nxënësit e apasionuar pas leximit duke pasuruar librarinë e shkollës me libra të rinj.

Grupi Master Minds nga Hasi i krijuar nga Joana, Fidenisa, Xhensilda, Syrgena dhe Enkelejda duan të pajisin klasën e tyre të artit me mjetet e nevojshme për ta kthyer në një kinoteatër.

“Klubi sportiv” nga Bushtrica i krijuar nga Hasime, Gimi, Soni, Rama dhe Isufi ka vënë re se në shkollën e tyre mungojnë mjetet sportive te  cilat duhen për zhvillimin e orës së Edukimit Fizik. Për ti ndihmuar, ata dëshirojnë të ndërtojnë një ambient sportiv në shkollë.

Grupi Nature Voice  i krijuar nga Ardi, Eljona, Enes, Irini, Rubini janë të shqetësuar për kequshqyerjen e bashkëmoshatarëve të tyre. Ata menduan qe ky problem duhet te zgjidhet duke mbjedhur disa pemë frutore në shkollë.

Related Posts

Leave A Reply

Your email address will not be published. Required fields are marked *

Add Your Heading Text Here

Add Your Heading Text Here

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

orem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

orem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

orem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.